कर्मचारी भविष्य निर्वाह निधी संघटनेत (ईपीएफओ) फेब्रुवारी २०२५ मध्ये १६.१० लाख नव्या सदस्यांची भर पडली असून, देशातील रोजगार संधी आणि कर्मचारी हितजागृती यामध्ये झालेली वाढ याचे हे महत्त्वपूर्ण संकेत मानले जात आहेत. ईपीएफओने सोमवारी अधिकृत निवेदनाद्वारे ही माहिती दिली.
गेल्या वर्षीच्या फेब्रुवारी महिन्याशी तुलना करता, यंदा निव्वळ वेतनात ३.९९ टक्क्यांची वाढ नोंदवण्यात आली आहे. ही वाढ केवळ नव्या रोजगार संधींमुळेच नाही, तर कर्मचाऱ्यांमध्ये ईपीएफओविषयी निर्माण झालेल्या जागरूकतेमुळे आणि प्रबोधन मोहिमांमुळेही घडल्याचे स्पष्ट करण्यात आले आहे.
या कालावधीत नोंदवण्यात आलेल्या ७.३९ लाख नव्या सदस्यांपैकी तब्बल ४.२७ लाख सदस्य हे १८ ते २५ वयोगटातील असून, हे प्रमाण एकूण नव्या नोंदणींच्या ५७.७१ टक्के आहे. त्यामुळे तरुणांमध्ये ईपीएफओविषयी वाढत असलेली जागरूकता आणि रोजगारात सहभागी होण्याची प्रेरणा दिसून येते.
या वयोगटात फेब्रुवारी महिन्यात एकूण ६.७८ लाख निव्वळ वेतनवाढ नोंदवण्यात आली असून, ही वाढ मागील वर्षाच्या तुलनेत ३.०१ टक्के अधिक आहे.
पूर्वी ईपीएफओशी संलग्न असलेले आणि नंतर बाहेर गेलेले तब्बल १३.१८ लाख सदस्य पुन्हा नोंदणीकृत झाले आहेत. या गटात ११.८५ टक्क्यांची वाढ झाली असून, पुन्हा संस्थेच्या कवचात येण्याकडे कल वाढत असल्याचे दिसून येते.
ईपीएफओच्या या प्रगतीमुळे देशात स्थिर, संरक्षित आणि लाभदायक रोजगाराच्या संधी वाढत असल्याचा सकारात्मक संदेश जात असून, कामगार हितसुरक्षेच्या दृष्टीने हे एक महत्त्वपूर्ण टप्पे ठरत आहेत.
Leave a Reply