गेल्या दोन दशकात मराठी पत्रकारीतेला नवीन दिशा देणारा
आणि सतत नाविन्याचा शोध घेणारा तरुण संपादक अशी महेश म्हात्रे यांची ओळख आहे. म्हात्रे हे एक बहुआयामी संपादक असून ते प्रिंट, इलेक्ट्रॉनिक व वेब मीडियामध्ये, तसेच हिंदी आणि इंग्रजी माध्यमातही सहज आणि उत्तमपणे काम करू शकतात हे नजिकच्या काळातील त्यांच्या कामगिरीतून सिद्ध झाले आहे.

महेश म्हात्रे यांनी आजवर संपादक म्हणून तरुण भारत मुंबई, तरुण भारत , नागपूर, सकाळ, नागपूर, लोकमत, मुंबई, वरिष्ठ संपादक इंडियन एक्सप्रेस, प्रहार, न्यूज 18 लोकमत अशा महत्त्वाच्या वृत्त संस्था मध्ये संपादक म्हणून काम केले आहे. सध्या ते महाराष्ट्रातील सांस्कृतिक आणि सामाजिक परंपरांचे, राजकीय आणि आर्थिक घडमोडींचे अभ्यासक म्हणून कार्यरत आहेत. "महाराष्ट्र रिसर्च सेंटर" या फॅक्ट टँक चे ते संपादक - संचालक या नात्याने काम पाहत आहेत.

पत्रकारीतेच्या क्षेत्रात महेश म्हात्रे यांनी अनेक अतिशय मानाचे पुरस्कार मिळवले आहेत. जागतिक संपादक परिषद, विश्व वृत्त संघ अशा महत्त्वाच्या संघटनांशी ते संलग्न आहेत. अमेरिकेन अध्यक्षपद निवडणुकीच्या प्रत्यक्ष अनुभवापासून दक्षिण कोरिया आणि इस्रायलच्या उच्च सदस्यीय शिष्टमंडळातील समावेशासह अनेक बहुमान त्यांना लाभले आहेत. जगभर नावाजलेली 'टेड' (TEDx) व्याख्यानमालेत भाषण करण्याची संधी लाभलेले ते एकमेव मराठी संपादक आहेत. " मनमोगरा" हा त्यांचा ललित लेख संग्रह प्रकाशित झालेला आहे.

• Facebook
• Linkedin
• Twitter