मुंबई : लाडकी बहीण योजनेचे 1500 रुपयांचा मे महिन्याचा हफ्ता थेट बँक खात्यात यायला सुरुवात झाले आहे. मंत्री अदिती तटकरे यांनी ट्वीट करत लाडकी बहीण योनजेच्या हप्त्याबाबत माहिती दिली लाडकी बहीण योजना ही नेहमीच चर्चेत असते. गेल्या काही दिवसांपासून या योजनेच्या लाभार्थी महिलांच्या अर्जाची छाननी केली जात आहे. याच पडताळणीअंतर्गत अनेक महिलांचे नाव लाभार्थी यादीतून वगळण्यात आले आहे. असे असतानाच आता उर्वरित लाडक्या बहिणींसाठी मोठी माहिती समोर आली आहे. मिळालेल्या माहितीनुसार लाभार्थी महिलांना मे महिन्याचा हफ्ता मिळण्यास सुरुवात झाली आहे. त्यामुळे महिलांनी आपापले बँक खाते तपासावे, असे आवाहन केले जात आहे.
काय म्हणाल्या अदिती तटकरे?
मंत्री अदिती तटकरे यांनी म्हटलं, “मुख्यमंत्री माझी लाडकी बहीण योजना : मे महिन्याच्या सन्मान निधी वितरणाची प्रक्रिया सुरू ! मुख्यमंत्री माझी लाडकी बहीण योजनेतील सर्व पात्र लाभार्थ्यांना मे महिन्याचा सन्मान निधी वितरित करण्याची तांत्रिक प्रक्रिया आजपासून सुरू करण्यात आली आहे. योजनेच्या सर्व पात्र लाभार्थ्यांच्या आधार लिंकड् बँक खात्यात उद्यापासून हा सन्मान निधी जमा होणार आहे.अदिती तटकरे यांनी म्हटलं, महायुती सरकारचा दृढ निश्चय, मुख्यमंत्री देवेंद्र फडणवीस, उपमुख्यमंत्री एकनाथ शिंदे , उपमुख्यमंत्री अजित पवार यांचे सातत्यपूर्ण मार्गदर्शन आणि महाराष्ट्रातील लाडक्या बहिणींचा दृढ विश्वास या बळावर मुख्यमंत्री माझी लाडकी बहीण योजनेची दमदार वाटचाल यापुढेही अशीच सुरू राहणार हा मला विश्वास, असं त्या म्हणाल्या.
लाडक्या बहिणींना दरमहा 1500 रुपये राज्य सरकारकडून देण्यात येत असतात. पात्र महिलांच्या बाँक खात्यात थेट डीबीटी मार्फत पैसे जमा होत असतात. आतापर्यंत एकूण 10 हप्ते लाडक्या बहिणींना देण्यात आले आहेत. आता मे महिन्याचा म्हणजेच 11वा हप्ता तर जून महिन्याचा 12वा हप्ता लाडक्या बहिणींना मिळणार आहे.दरम्यान, एकीकडे लाडकी बहीण योजनेचे पैसे मिळत असले तरी दुसरीकडे या योजनेच्या लाभार्थी महिलांच्या अर्जांची छाननी केली जात आहे. नियमांचे उल्लंघन करून ज्या महिलांना लाभ मिळत आहे, त्या महिलांचे नाव लाभार्थी यादीतून काढून टाकले जाणार आहे. सरकारच्या याच धोरणाला विरोधकांकडून विरोध केला जात आहे.
Leave a Reply