(रॉयटर्स) – ओपनएआय आणि जपानी समूह सॉफ्टबँक यांनी संयुक्तपणे कृत्रिम बुद्धिमत्तेसाठी डेटा सेंटर विकसित करण्याच्या ‘स्टारगेट’ प्रकल्पासाठी प्रत्येकी १९ अब्ज डॉलर्सची गुंतवणूक करण्याचे आश्वासन दिले आहे. ‘स्टारगेट’ या प्रकल्पामध्ये ओपनएआयचा ४० टक्के हिस्सा असेल आणि तो ओपनएआयच्या विस्ताराचा एक भाग म्हणून कार्य करेल, असे ओपनएआयचे मुख्य कार्यकारी अधिकारी सॅम ऑल्टमन यांनी सांगितले. तसेच सॉफ्टबँककडे देखील ४० टक्के हिस्सा असेल, अशी माहिती अहवालात देण्यात आली आहे. ओपनएआय आणि सॉफ्टबँक यांनी या वृत्तावर कोणतीही अधिकृत प्रतिक्रिया दिलेली नाही.
मंगळवारी अमेरिकेचे अध्यक्ष डोनाल्ड ट्रम्प यांनी जाहीर केले की ओपनएआय, सॉफ्टबँक आणि ओरॅकल हे संयुक्तपणे ‘स्टारगेट’ प्रकल्पाचा शुभारंभ करतील. यामुळे अमेरिका जागतिक कृत्रिम बुद्धिमत्ता शर्यतीत चीनसह इतर प्रतिस्पर्ध्यांपेक्षा पुढे राहू शकेल. या प्रकल्पावर पुढील चार वर्षांत ५०० अब्ज डॉलर्सची गुंतवणूक केली जाणार असल्याचे त्यांनी सांगितले.
सुरुवातीला ‘स्टारगेट’ प्रकल्पासाठी १०० अब्ज डॉलर्सची तातडीने तरतूद केली जाईल, तर उर्वरित निधी पुढील चार वर्षांत उपलब्ध केला जाईल. या महत्वाकांक्षी प्रकल्पाचे नेतृत्व सॉफ्टबँक आणि ओपनएआय करत आहेत.
Leave a Reply