साहित्य क्षेत्रात राष्ट्रीय पातळीवर दिलेल्या महत्वपुर्ण योगदानाकरिता मराठी भाषा व सांस्कृतिक इतिहासाचे प्रसिद्ध अभ्यासक डॉ.रमेश वरखेडे (नाशिक) यांना ‘लोकनेते राजारामबापू पाटील राष्ट्रीय ललित कला जीवन गौरव सन्मान’ पुरस्कार जाहीर झाला आहे.लोकनेते राजारामबापू पाटील राष्ट्रीय ललित कला सन्मान पुरस्कार वितरणाचा कार्यक्रम 11 एप्रिल रोजी गोवा विद्यापीठात मान्यवरांच्या उपस्थितीत संपन्न होणार आहे. राजारामबापू पाटील ललित कला अकादमी आणि गोवा विद्यापीठ शणै गोंयबाब महाशाळा मराठी अध्ययन शाखा यांच्या संयुक्त विद्यमाने हा कार्यक्रम पार पडणार आहे.
गोवा राज्याचे मुख्यमंत्री डॉ.प्रमोद सावंत, राष्ट्रवादी काँग्रेस शरदचंद्र पवार पक्षाचे महाराष्ट्र प्रदेशाध्यक्ष आमदार जयंत पाटील, कुलगुरु डॉ.हरिलाल मेनन, संत साहित्याचे अभ्यासक डॉ. सदानंद मोरे, कला शाखेच्या अधिष्ठाता प्रो.डॉ.अनुराधा वागळे, मराठी अध्यन शाखेचे प्रमुख डॉ.विनायक बापट, राजारामबापू पाटील सह. साखर कारखान्याचे चेअरमन प्रतीक पाटील यांच्या प्रमुख उपस्थितीत हे सन्मान पुरस्कार प्रदान करण्यात येणार आहे. सन्मान पुरस्कारांचे हे तिसरे वर्ष आहे.
डॉ.रमेश वरखेडे यांना राष्ट्रीय ललित कला जीवन गौरव पुरस्कार
साहित्य क्षेत्रात राष्ट्रीय पातळीवर दिलेल्या महत्वपुर्ण योगदानाकरिता मराठी भाषा व सांस्कृतिक इतिहासाचे प्रसिद्ध अभ्यासक डॉ.रमेश वरखेडे (नाशिक) यांना ‘लोकनेते राजारामबापू पाटील राष्ट्रीय ललित कला जीवन गौरव सन्मान’ पुरस्कार देण्यात येणार आहे. रू.50,000, सन्मानचिन्ह व मानपत्र असे सन्मानाचे स्वरुप आहे.
राजारामबापू पाटील राष्ट्रीय ललित कला सन्मान’ पुरस्कार
नाट्यक्षेत्रातील योगदानाकरिता प्रसिद्ध नाटककार अभिराम भडकमकर (मुंबई), कवितेतील योगदानाकरिता प्रसिद्ध कवयित्री व चित्रकार डॉ.मीनाक्षी पाटील(मंबई), आदिवासी साहित्य संशोधनातील योगदाना करिता आदिवासी साहित्याचे अभ्यासक डॉ.तुकाराम रोंगटे (पुणे) यांची निवड करण्यात आली आहे. प्रत्येकी रु.२५,०००, सन्मानचिन्ह व मानपत्र असे या सन्मानाचे स्वरुप
‘लोकनेते राजारामबापू पाटील राष्ट्रीय ललित कला विशेष सन्मान’ पुरस्कार लेखन व मराठी भाषेच्या प्रसाराकरिता लेखक अनिल सामंत (गोवा) आणि लेखन व मराठी साहित्य प्रसाराकरिता लेखक प्रकाश जडे (मंगळवेढा) यांना देण्यात येणार आहे. प्रत्येकी रु.१०,०००, सन्मानचिन्ह व मानपत्र असे त्याचे स्वरुप आहे. प्रसिद्ध विचारवंत व संत साहित्याचे अभ्यासक डॉ.सदानंद मोरे यांच्या निवड समितीने या सन्मान पुरस्कारांची निवड केली आहे
Leave a Reply