सोलापूर येथील अक्कलकोट रोडवरील एमआयडीसी येथे शुक्रवारी दुर्दैवी घटना घडली आहे. एमआयडीसी येथे युनिफॉर्म तयार करणाऱ्या कारखान्यातील टाकी साफ करताना 2 तरुण दोघांचा श्वास गुदमरून मृत्यू झाल्याची दुर्दैवी घटना घडली आहे. सागर नारायण कांबळे (20) आणि सिद्धराम यशवंत चलगेरी या 28 वर्षीय तरुणांचा मृत्यू झाला आहे. कारखाण्यातील पाण्याची टाकी साफ करण्यासाठी तिघे व्यक्ती गेले होते, यावेळी ही घटना घडली आहे. दुपारी या कामगारांनी टाकी साफ करण्यासाठी अॅसिड टाकलं होतं. त्यानंतर काही वेळाने टाकी साफ करण्यासाठी एक जण खाली उतरला असता तो श्वास गुदमरल्याने बेशुद्ध झाला.
त्याचा प्रतिसाद येतं नसल्याने इतर कामगार देखील खाली उतरले मात्र त्यांना देखील श्वासाचा त्रास होऊ लागला. त्यातून एक कामगार तात्काळ टाकीच्या बाहेर आला दोन जणांना मात्र बाहेर येता न आल्याने गुदमरून त्यांचा जागीच मृत्यू झाला आहे. दरम्यान घटनेची माहिती एमआयडीसी पोलीस ठाण्याच्या पथकाने तात्काळ घटनास्थळी धाव घेत मृतांना बाहेर काढलं. सागर नारायण कांबळे आणि सिद्धराम यशवंत चलगेरी या दोघांचे मृतदेह शवविच्छेदनासाठी शासकीय रुग्णालयाकडे पाठवल्याची माहिती पोलिसांनी दिली आहे. या घटनेनंतर परिसरात हळहळ व्यक्त केली जात आहे. दरम्यान, शवविच्छेदनासाठी दोन्ही मृतदेह शासकीय रुग्णालयात दाखल करण्यात आले आहेत.
Leave a Reply