नवी दिल्ली : देशाचे १५ वे उपराष्ट्रपती कोण होणार याचा निर्णय आज (मंगळवार, ९ सप्टेंबर) होणार आहे. विद्यमान राज्यपाल सी. पी. राधाकृष्णन हे राष्ट्रीय लोकशाही आघाडीचे (राजग) उमेदवार असून, त्यांच्यासमोर विरोधकांकडून वि. सु. रेड्डी हे उमेदवार आहेत. राधाकृष्णन हे माजी खासदार असून, त्यांनी तामिळनाडूमध्ये भाजपचे अध्यक्षपद भूषवले आहे. तसेच झारखंड, तेलंगाणा व सध्या महाराष्ट्राचे राज्यपाल म्हणून ते कार्यरत आहेत. दुसरीकडे, रेड्डी हे आंध्र प्रदेश उच्च न्यायालयाचे तसेच गुजरात हायकोर्टचे मुख्य न्यायमूर्ती राहिले आहेत. २००७ ते २०११ दरम्यान ते सर्वोच्च न्यायालयाचे न्यायमूर्तीही होते.
ही निवडणूक माजी उपराष्ट्रपती जगदीप धनखड यांच्या अनपेक्षित राजीनाम्यानंतर होत आहे. संसदेच्या दोन्ही सभागृहातील सदस्य या निवडणुकीत मतदान करतात. एकूण मतदारसंख्या ७८१ असून त्यात लोकसभेचे ५४२ व राज्यसभेचे २३९ खासदार आहेत. बहुमतासाठी ३९१ मतांची आवश्यकता आहे. सत्ताधारी पक्षांकडे ४३६ मते आहेत, तर विरोधकांकडे ३२४ मते आहेत. त्यामुळे राधाकृष्णन यांच्या विजयाची शक्यता जास्त मानली जात आहे. तरीही इंडिया आघाडीने पूर्ण ताकदीने मैदानात उतरण्याची तयारी केली आहे. उपराष्ट्रपतीपदाची निवड प्रतिनियुक्त मतदान पद्धती व एक हस्तांतरित मत पद्धतीने केली जाते. खासदार क्रमवारीने पसंती नोंदवतात. आयोगाने दिलेल्या विशेष पेननेच मतदान करावे लागते. इतर पेन वापरल्यास मत अवैध ठरते. तसेच मतपत्रिकेवर फोटो, सही, टिप्पणी किंवा ठसा असल्यास ती मत अवैध मानली जाते. फक्त उमेदवाराच्या चौकटीत ‘x’ असे चिन्ह टाकणे वैध ठरते. या निवडणुकीकडे संपूर्ण देशाचे लक्ष लागले आहे. निकालानंतर भारताला नवीन उपराष्ट्रपती मिळणार आहेत.
Leave a Reply