मुंबई आणि क्रिकेट यांचे अतूट नाते आहे. याचा प्रत्यय रविवारी आला, जेव्हा ब्रिटनचे माजी पंतप्रधान ऋषी सुनक यांनी मुंबई दौऱ्यात दक्षिण मुंबईतील ओव्हल मैदान आणि पारसी जिमखान्याला भेट दिली. या वेळी त्यांनी क्रिकेटचा मनसोक्त आनंद लुटला आणि युवा खेळाडूंशी संवाद साधला.
भारतीय क्रिकेटच्या ऐतिहासिक प्रवासाचा साक्षीदार असलेल्या पारसी जिमखान्याच्या वर्धापन दिन सोहळ्यात सुनक यांनी हजेरी लावली. ते म्हणाले, “पारसी जिमखाना अनेक विलक्षण क्रिकेट क्षणांचा साक्षीदार राहिला आहे.”
ओव्हल मैदान हे जगातील सर्वोत्तम मैदानांपैकी एक मानले जाते, जिथे विविध वयोगटातील खेळाडू क्रिकेट खेळतात. या मैदानाला आणि पारसी जिमखान्याला भेट दिल्यानंतर रात्री ऋषी सुनक यांनी वानखेडे स्टेडियममध्ये भारत विरुद्ध इंग्लंड टी-२० सामन्यालाही हजेरी लावली. त्यांनी दोन्ही संघांच्या कर्णधारांसोबत संवाद साधत क्रिकेटमधील उत्साह व्यक्त केला.
“टेनिस बॉल क्रिकेट खेळल्याशिवाय मुंबईचा दौरा पूर्ण होत नाही! क्रिकेट खेळल्याशिवाय मजा नाही. मुंबईत खेळताना फार वेळा बाद झालो नाही, याचा विशेष आनंद आहे!” — ऋषी सुनक, माजी पंतप्रधान, ब्रिटन
Leave a Reply