मुंबईच्या छत्रपती शिवाजी महाराज आंतरराष्ट्रीय विमानतळाच्या टर्मिनल १ वर मोठे नूतनीकरण होणार असल्याने ते तब्बल चार वर्षांसाठी बंद राहणार आहे. या नूतनीकरणामुळे मुंबई विमानतळाच्या क्षमतेत मोठी वाढ होईल, मात्र त्या काळात प्रवाशांना टर्मिनल २ आणि नव्या नवी मुंबई आंतरराष्ट्रीय विमानतळाचा वापर करावा लागणार आहे.
काय बदल होणार?
- टर्मिनल १ चे नूतनीकरण झाल्यानंतर ते दरवर्षी २ कोटी प्रवाशांची वाहतूक करण्यास सक्षम होणार आहे. सध्या हे टर्मिनल दरवर्षी १ कोटी प्रवासी हाताळते, मात्र पुनर्विकासानंतर त्याची क्षमता तब्बल ४२% ने वाढणार आहे.नूतनीकरणाच्या दुसऱ्या टप्प्यात टर्मिनलचे आधुनिकीकरण तसेच नवीन टर्मिनलचे बांधकाम करण्यात येणार आहे. हे संपूर्ण काम २०२६ पर्यंत पूर्ण करण्याचे उद्दिष्ट ठेवण्यात आले आहे.
- टर्मिनल १ मध्ये सध्या १ ए, १ बी आणि १ सी असे तीन विभाग आहेत, जे विविध कालखंडात बांधले गेले आहेत. १९९२ मध्ये टर्मिनल १ ए, त्यानंतर २०१० मध्ये १ सी जोडण्यात आले. मात्र, २०१७ मध्ये टर्मिनल १ बीच्या तपासणीदरम्यान अनेक तांत्रिक दोष आढळले, त्यामुळे या संपूर्ण टर्मिनलचा पुनर्विकास करण्याचा निर्णय घेतला गेला.
- टर्मिनल १ च्या बंदमुळे इंडिगो, एअर इंडिया आणि अन्य प्रमुख विमान कंपन्यांच्या उड्डाणांवर परिणाम होण्याची शक्यता आहे. त्या कंपन्यांचे उड्डाण टर्मिनल २ किंवा नवी मुंबई विमानतळावर वळवले जातील.
- अदानी समूहाने विमानतळाच्या पुनर्विकासाअंतर्गत टर्मिनल १ आणि टर्मिनल २ जोडण्यासाठी एक भूमिगत बोगदा बांधण्याची योजना आखली आहे. यामुळे प्रवाशांना एका टर्मिनलमधून दुसऱ्यात जाणे अधिक सुलभ होणार आहे.
- सध्या छत्रपती शिवाजी महाराज आंतरराष्ट्रीय विमानतळ दरवर्षी ५.१ कोटी प्रवाशांची वाहतूक करतो. यापैकी टर्मिनल २ वर २.४ कोटी प्रवासी हाताळले जातात. आता नूतनीकरणानंतर संपूर्ण विमानतळाची क्षमता मोठ्या प्रमाणावर वाढणार आहे.
- मुंबई विमानतळाच्या नव्या रूपाचा अनुभव घेण्यासाठी प्रवाशांना अजून चार वर्षे वाट पाहावी लागणार आहे. पण एकदा हे काम पूर्ण झाल्यानंतर मुंबईचे विमानतळ जागतिक दर्जाच्या सुविधांनी सजलेले असेल.
Please follow and like us:
Leave a Reply